Tamanna – Ehsaan Tahmid

Tamanna muddaton se hai jamaal-e-Mustafa dekhoon.
Imam-ul-Ambiya dekhoon Habeeb-e-Kibriya dekhoon.

Wo jin ke dum qadam se subh ne bhi roshni paayi.
Munawwar kar di jis ne fiza woh rahnuma dekhoon.

Wo jin ki barkaton se abr-o-baara bastay aalam mein.
Tamanna qalb-e-muztar ki woh durr-e-be baha dekhoon.

Qadam baahir Madina se tasawwur mein Madina hai.
Ilaahi, ya Ilahi azmaton ki intiha dekhoon.

Ye duniya be-subaat-o-bewafa-o-gham ka gehwaara.
Ye hai matloob daar-e-be-wafaayi mein wafa dekhoon.

Woh mabda khalq-e-‘aalam ka durood un par salaam un par.
Mere maula ye mauqa de ke khatm-ul-Ambiya dekhoon.

Kabhi ho husn ke mehfil kabhi ho shauq ka manzar.
Kabhi aansoo ki zanjeeron mein aashiq ki sada dekhoon.

Rasool-un-Qasim-ul-khairaati fid dunya wa fil uqba.
Shafiq az nafs-e-ma dar ma Nabi-e-Mujtaba dekhoon.

Dar-e-jannat pe haazir hoon Rasool-e-Paak ke hamraah.
Shafa’at ka ye manzar ya khudaya mein Raza dekhoon.

Tamanna muddaton se hai jamaal-e-Mustafa dekhoon.
Imam-ul-Anbiya dekhoon Habeeb-e-Kibriya dekhoon.

http://3.26.224.92/tamanna-cover-ehsaan-tahmid/