Abid Ko Jahan Ghash – Mir Hasan Mir 2019-20

Abid Ko Jahan Ghash Aata Hai.

Haaye Sajjad haaye haaye Sajjad (x2).

Abid ko jahan ghash aata hai
Durro’n se jagaaya jaata hai] (x2).

Ik phool hai jis ko kaanto’n par (x2).
Din raat chalaaya jaata hai.

Abid ko jahan ghash … (x2)

Abbas ki gairat se aksar Abid ki aseeri poochti hai (x2).
Kya chaar baras ki behna ko (x2) zinda’n mein sulaya jaata hai.

Abid ko jahan… (x2)

Sadaat ke khaimay jaltay hain sholo’n mein ghiri hai aal-e-Nabi (x2).
Phir aaj Nabi ki beti par (x2) darwaza giraaya jaata hai.

Abid ko jahaa’n… (x2)

Reh reh ke Shah-e-dee’n dekhtay hain naizay se Sakina ki jaanib (x2).
Lagta hai ke pusht-e-naaqa se (x2) bachi ko giraaya jaata hai.

Abid ko jahaa’n… (x2)

Bibi ko kareeb-e-laash-e-jari durro’n ki aziyyat detay hain (x2).
Abbas ko tadpaanay ke liye Zainab ko sataaya jaata hai.

Abid ko jahaa’n… (x2)

Ghairat ke sabab jis Bibi ne ghar mein bhi na dekha aaina (x2).
Be parda usay laanay ke liye (x2) darbaar sajaaya jaata hai.

Abid ko jahaa’n… (x2)

Bin biyaah ke Akber maaray gaye armaan na niklay Bano ke (x2).
Taboot pe Akbar ke sehra (x2) kuch yun bhi chadhaaya jaata hai.

Abid ko jahaa’n… (x2)

Wo nok-e-sina par ghairat se rukta hi nahi gir jaata hai (x2).
Arey jab jab bhi sar-e-Abbas-e-jari naizay pe chadhaaya jaata hai.

Abid ko jahaa’n… (x2)

Parday mein Bilal-e-Karbobala roye na mera Mola kyun kar (x2).
Afsoos ke turbat mein ab tak (x2) Zehra ko rulaaya jaata hai.

Abid ko jahaa’n… (x2)

Check out other Noha from Mir Hasan Mir:
https://www.abulhasanlakhani.com/category/noha/mir-hasan-mir/

Mir Hasan Mir’s YouTube channel:
https://www.youtube.com/MirHasanMir