Ashq-e-Ghum Hai Teri Ata – Joan Rizvi 2020-21

Ashq-e-Ghum Hai Teri Ata Zainab

Ya Zainab Ya Zainab (x2).

Ashq-e-ghum hai teri ata Zainab. Tu hai Shabbir ki baqa Zainab (x2).
Dono aalam ki parda daari ho. Tere naalaein pe fida Zainab.

Ashq-e-ghum hai teri… Tu hai Shabbir ki… (x2)

Apnay baba ki paak seerat bhi. Baap ka hausla bhi dikhlaaya.
Gayi darbar mein Hasan ban kar. Sabr-e-Shabbir ko bhi dohraaya.
kiya darbar-e-sham mein tu ne. Maa ke khutbon ka tarjuma Zainab.

Ashq-e-ghum hai teri… Tu hai Shabbir ki… (x2)

Teray baba sa hai pidar koi. Na koi Maa hai teri maadar si.
Na muhafiz hai koi Ghazi sa. Na hi chaadar hai teri chaadar si.
Aur teray Hasan Hussain sa bhi. Koi bhai nahi hua Zainab.

Ashq-e-ghum hai teri… Tu hai Shabbir ki… (x2)

Ro paday be kafan janaazay bhi. Dekh kar tera hausla Bibi.
Tu ne aankhon ke saamnay dekha. Kat-tay Shabbir ka gala Bibi.
Khoon khanjar ka ponchnay ke liye. Kaam aayi teri rida Zainab.

Ashq-e-ghum hai teri… Tu hai Shabbir ki… (x2)

Zakhm hi zakhm hain sahay tu ne. Sheh ke maqtal se qaid khaanay tak.
Aazmaaye gayay sabhi tujh par. Kund khanjar se taaziyanay tak.
Hadh to ye hai barastay sholoan mein. Tu ne sajda ada kiya Zainab.

Ashq-e-ghum hai teri… Tu hai Shabbir ki… (x2)

Sola sau meel tak barhena sar. Shaamiyon ne tujhay phiraya hai.
Ibn-e-naufil ne maar kar naiza. Raastay bhar tujhay jagaaya hai.
Tu hai Shabbir ki bahan us ka. Kar diya tu ne haq adaa Zainab.

Ashq-e-ghum hai… Tu hai Shabbir ki… (x2)

Ajr itna mila risaalat ka. Teray chehray ka rang badla hai.
Aur jahaan se guzar hua tera. Ussi rustay ka rang badla hai.
Tha Hasan ke kafan ke jaisa hi. Rang teray libaas ka Zainab.

Ashq-e-ghum hai… Tu hai Shabbir ki… (x2)

Zakhm-e-maadar mila tha Yasrab mein. khums kufay mein phir yateemi ka.
Phir Hasan aur karbala ka ghum. Dard phir shaam aur Sakina ka.
Zindagi mein hui nahi Muhsin. Ranj-o-ghum se kabhi riha Zainab.

Ashq-e-ghum hai teri ata Zainab. Tu hai Shabbir ki baqa Zainab.
Ashq-e-ghum hai teri ata Zainab. Tu hai Shabbir ki baqa Zainab.

Check out other kalaams from Joan Rizvi:
https://www.abulhasanlakhani.com/category/noha/joan-rizvi/

Joan Rizvi’s YouTube channel:
https://www.youtube.com/JoanRizviOfficial