Bujh Gayi Pyaas Chacha – Nadeem Sarwar 1995-96

Bujh gayi pyaas chacha (x2) laut ke ghar mein aao (x2).
Poori kardo ye dua (x2) laut ke ghar mein aao (x2).

Bujh gayi pyaas chacha laut ke ghar mein aao.

Jaanti hoon ke katay aap ke baazu ran mein.
Aap ke baad bacha kya hai meray daaman mein.
Kuch nahi karti gila laut ke ghar may aao.
Bujh gayi pyaas…

Hotay jaatay hain bohat shaam ke gehray saaye.
Koi bhi ghar mein nahi kaun mujhay behlaaye.
Tum ko deti hoon sada laut ke ghar mein aao.
Bujh gayi pyaas…

Mujh ko maloom na tha duur watan se aa kar.
Aap so jaayenge darya pe alam lehra kar.
Lo chacha din bhi dhala laut ke ghar mein aao.
Bujh gayi pyaas…

Aye chacha dekhiye chinti hai phuppi ki chaadar.
Bhai Sajjad ka khencha hai laee’n ne bistar.
Kya nahi tum ko pata laut ke ghar mein aao.
Bujh gayi pyaas…

Maa ye kehti hai ke hum qaid bhi hongay ammu.
Chin gayi baaliya’n khaaye hai tamachay ammu.
Dekho daaman bhi jala laut ke ghar mein aao.
Bujh gayi pyaas…

Nannay jhoolay mein kabhi godh mein maadar ki kabhi.
Dekhti hoon ke mehak paaon kahin Asghar ki.
Saath Asghar ke chacha laut ke ghar mein aao.
Bujh gayi pyaas…

Ro ke Zainab ne kaha baali Sakina meri.
Be chacha aur be padar hona hai kismat teri.
Kis ko deti hai sadaa laut ke ghar mein aao.
Bujh gayi pyaas…

Sham se aaj bhi zaayir jo koi aata hai.
Saath Rehan wo paighaam yehi laata hai.
Main hoon zindan mein chacha laut ke ghar mein aao.
Bujh gayi pyaas chacha (x2) laut ke ghar mein aao (x2).

Bujh gayi pyaas chacha (x3)

Check out other Noha from Syed Nadeem Raza Sarwar:
https://www.abulhasanlakhani.com/category/noha/nadeem-sarwar/

Nadeem Sarwar’s YouTube channel:
https://www.youtube.com/user/syednadeemsarwar