Hussain Ban Ke Zamanay Pe – Syed Izhar Hussain Fatepuri

Hussain ban ke zamanay pe chaa gayi’n Zainab. (x2)
Zubaan-e-tegh se kufa hila gayi’n Zainab. (x2)

Kadam kadam pe jalaaye Hussainiat ke chiraag. (x2)
Diye yazeed ke saaray bujha gayi’n Zainab. (x2)

Ali ki yaad ko zinda kiya zamanay mein. (x2)
Jaga jaga pe jo khutbay suna gayi’n Zainab. (x2)

Kasam Khuda ki ye ehsaan-e-Bint-e-Zehra hai. (x2)
Hamain Hussain ka matam sikha gayi’n Zainab.

Aseer ho gayi dar dar phiri zamanay mein. (x2)
Hussainiat ko magar jagmaga gayi’n Zainab.

Zayeef bhai ka gham baatnay ko maqtal mein. (x2)
Jawaa’n bhateejay ke laashay pe aa gayi’n Zainab. (x2)

Hussain ban ke zamanay pe chaa gayi’n Zainab.