Ye Karbala Hai – Mir Hasan Mir 2016-17

Ye Karbala Hai Ye Karbala Hai

Yahan sambhal kar kadam uthana.
Ye Karbala hai…

Ye baat hargiz na bhool jaana.
Ye Karbala…
Yahan sambhal kar kadam uthana.
Ye Karbala…

Jahaan-e-sabr-o-riza yehi hai.
Khuda-e-sabr-o-riza yehi hai.
Yahan pe aatay hain chal ke Mehdi.
Bahisht-e-Zehra ye sar zamee’n hai.
Yahan hai Zehra ka aana jaana.
Ye Karbala…(x2)

Yahan sambhal kar…
Ye Karbala…(x2)

Duaaein dengay Hussain tum ko.
Yahan pe aansoo agar bahaaye.
Jahan pe beti ne be watan ki.
Sitamgaron se tamaachay khaaye.
Yahan pe khushion ko bhool jaana.
Ye Karbala…

Yahan sambhal kar…
Ye Karbala…(x2)

Yahan pe guzri hai wo qayaamat.
Mila na is ko sukoon ab tak.
Ridaayain chinnay ke gham mein Abid.
Lehad mein rota hai khoon ab tak.
Yahan pe hargiz na muskurana.
Ye Karbala…

Yahan sambhal kar…
Ye Karbala…(x2)

Yahan pe Hurr bhi tha hurmala bhi.
Kitaab-e-hasti ko padh ke dekho.
Sadaa-e-hal min to aa rahi hai.
Tum is taraf ho ya us taraf ho.
Tumhain amal se hai ab batana.
Ye Karbala…

Yahan sambhal kar…
Ye Karbala…(x2)

Kaheen pe Qasim huay hain tukday.
Kaheen pe zee’n se giray thay Mola.
Kaheen Sakeena sumo’n se liptee.
Kaheen pe Asghar ne teer khaya.
Yaheen gareebi ka hai thikaana.
Ye Karbala…

Yahan sambhal kar…
Ye Karbala…(x2)

Sawaari aayegi ik wahaan se.
Najaf ki jaanib nigaah rakhna.
Jab aaye shaam-e-ghareeba’n us dam.
Ali ko Zainab ka pursa dena.
Tum aansuoan ke diye jalaana.
Ye Karbala…

Yahan sambhal kar…
Ye Karbala…(x2)

Kisi ke dil mein lagi hai barchi.
Kisi ke baazu katay yahee’n par.
Ali ki beti ke kitne Yusuf.
Lahu mein doobay hain is zamee’n par.
Luta hai saadaat ka gharaana.
Ye Karbala…

Yahan sambhal kar…
Ye Karbala…(x2)

Rahay kahee’n bhi jahaa’n mein jaa kar.
Hussain waalay ye jaantay hain.
Hum ahl-e-maatam ke dil Takallum.
Yahaa’n ki matti se hi banay hain.
Yahaa’n hai waapas palat ke aana.
Ye Karbala…

Yahan sambhal kar kadam uthaana.
Ye Karbala hai (x2).

Check out other Noha from Mir Hasan Mir:
https://www.abulhasanlakhani.com/category/noha/mir-hasan-mir/

Mir Hasan Mir’s YouTube channel:
https://www.youtube.com/MirHasanMir