Ye Shaam-e-Ghareeban Hai – Nadeem Sarwar 1993-94

Ye Shaam-e-Ghareeban Hai

Ye shaam-e-ghareeban hai darya ki rawaani hai (x2).
Ye shaam-e-ghareeban hai darya ki rawaani hai (x2).
Pyaasay na rahay baki (x2). Phir kis liye paani hai.
Ye shaam-e-ghareeban…

Asghar teray laashay ko maa ban ke zameen rakhay (x2).
Ujdi hui godi ki. Haaye ujdi hui godi ki.
Maasoom nishaani hai.

Ye shaam-e-ghareeban… (x2)

Khoon kaisay rukay logoan Akbar ka jawaani mein (x2).
Hai khoon naya lekin. Haaye hai khoon naya lekin.
Barchee to puraani hai.

Ye shaam-e-ghareeban… (x2)

Ye to mujhay lagta hai laasha kisi doolha ka (x2).
Patka jo kamar ne hai. Haaye patka jo kamar ne hai.
Rang is ka to dhaani hai.

Ye shaam-e-ghareeban… (x2)

Maaloom na tha Sheh ko khud apnay hi haathoan se (x2).
Shabbar ki nishaani bhi. Haaye Shabbar ki nishaani bhi.
Matti mein milaani hai.

Ye shaam-e-ghareeban… (x2)

Shabbir ko khanjar se zyaada ye azziyyat hai (x2).
Takleef jo zindaan mein. Haaye takleef jo zindaan mein.
Bachhee ko uthaani hai.

Ye shaam-e-ghareeban… (x2)

Zainab ne kaha thehro main dasht mein aati hoon (x2).
Bhayya tumhain Akbar ki. Haaye bhayya tumhain Akbar ki.
Ab laash uthaani hai

Ye shaam-e-ghareeban… (x2)

Har gham ko bhula deingay har yaad mita deingay (x2).
Zehra teray bachoan ki. Haaye Zehra teray bachoan ki.
Bas yaad manaani hai.

Ye shaam-e-ghareeban… (x2)

Rehan ki Sarwar ki pehchaan hai jannat mein.
In donoan ke seenay pe. Haaye in donoan ke seenay pe.
Maatam ki nishaani hai.

Ye shaam-e-ghareeban… (x2)

Check out other Noha from Syed Nadeem Raza Sarwar:
https://www.abulhasanlakhani.com/category/noha/nadeem-sarwar/

Nadeem Sarwar’s YouTube channel:
https://www.youtube.com/user/syednadeemsarwar