Abul Hasan Lakhani About Everything I Love!
Bediyaan Pehnay Huay Qafila Salaar Chala
Bediyaan pehnay huay qafila salaar chala
Haaye beemar chala
Aa rahi hai dar-o-deewar se ronay ki sada
Haaye beemar chala
Bediyaan pehnay…
Haaye jalti hai zameen aag ugalti hai zameen
Koi saaya bhi nahi (x2)
Aablay padh gaye pairoan mein badan tapnay laga
Haaye beemar chala
Bediyaan pehnay…
Pair kya haathon pe gardan pe paday hain chaalay
Koyi paani daalay (x2)
Tapti hai tauq-o-salasil hai bohat garm hawa
Haaye beemar chala
Bediyaan pehnay…
Kaantay chubh jaatay hain chhalay kabhi chhil jaatay hain
Haaye dukh paatay hain (x2)
Haaye kis haal mein hai ibn e Shah e Karbobala
Haaye beemar chala
Bediyaan pehnay…
Aah kartay hain to durro ki saza paatay hain
Yun tadap jaatay hain (x2)
Sar barehna ye aziyyat ka safar aur ye jafa
Haaye beemar chala
Bediyaan pehnay huay qafila salaar chala
Taaziyanay kabhi maaray kabhi pathhar maaray
Haaye Sheh ke pyaaray (x2)
Kis kadar zakhmi musaafir pe hui jor o jafa
Haaye beemar chala
Bediyaan pehnay…
Shimr se Baali Sakina ko chudaaye kaisay
Jaan bachaaye kaisay (x2)
Hathkadi haatho mein hai tauq mein jakda hai gala
Haaye beemar chala
Bediyaan pehnay…
Dekh kar betay ki haalat ko tadap uthti hai maa
Ye bhi hota hai gumaan (x2)
Aa na jaaye kahin beemar ko rastay mein qaza
Haaye beemar chala.
Bediyaan pehnay…
Teesh uthtay hain jo zakhmo se lahu behta hai
Har sitam sehta hai (x2)
Kis se faryaad karay bhai na baba na chacha
Haaye beemar chala
Bediyaan pehnay…
Haaye kis haal mein hai Sibt-e-Payambar ka pisar
Khaak udao Gohar (x2)
Peet kar seena-o-sar bain karo ahl-e-aza
Haaye beemar chala
Bediyaan pehnay…
Check out other writeups for Nazim bhai’s nohas
https://www.abulhasanlakhani.com/category/noha/nazim-hussain/
This YouTube channel has some very good old noha collection
https://www.youtube.com/@nayem90