Jaag Sakeena Jaag – Nadeem Sarwar 2000-01

Jaag Sakeena Jaag

Lo ho gayi rihaayi lo kaafila chala.
Sar jab har ik shaheed ka Sajjad ko mila.
Tab markad-e-Sakeena (x2) pe Sajjad ne kaha.
Jaag Sakeena jaag baaba ka sar aaya.

Jaag Sakeena Jaag Baaba ka sar aaya (x2).
Baaba tumhara aaya (x2) gaya waqt neend ka.

Jaag Sakeena Jaag Baaba ka sar aaya (x2).

Seenay pe sonay waali. Matti pe so gayee.
Matti pe so gayee.
Baba ko rotay rotay. Jo khaamosh ho gayi.
Khaamosh ho gayee.
Ro ro ke maa ne Qabr-e-Sakeena pe ye kaha.

Jaag Sakeena… (x2)

Bibi karo salaam. Adab ka maqaam hai.
Adab ka maqaam hai.
Bibi teray sarhaanay. Shah-e-tishna-kaam hai.
Shah-e-tishna-kaam hai
Aye jaan jaldi badlo (x2) ye kurta phata hua.

Jaag Sakeena… (x2)

Baba ko dhoond-ti thi. Sakeena utho utho.
Sakeena utho utho.
Raaton ko jaag-ti thi. Sakeena utho utho.
Sakeena utho utho.
Lo aa gayay hain baaba (x2) aye jaan jaag ja.

Jaag Sakeena… (x2)

Baaba ke paass sona. Na sona zameen par.
Na sona zameen par.
Rakho laboan ko lab par. Jabeen ko jabeen par.
Jabeen ko jabeen par.
Aada ki ghudkiyoan ka (x2) zamaana guzar gaya.

Jaag Sakeena… (x2)

Paighaam roz deti thi Ammu ke naam tum.
Ammu ke naam tum.
Roti thi yaad kar ke unhain subh-o-shaam tum.
Unhain subh-o-shaam tum.
Jaago ke jaa rahay hain (x2) jahaan sotay hain chachha.

Jaag Sakeena… (x2)

Kis tarhan soyee Baali. Sakeena na poochiye.
Sakeena na poochiye.
Ranj-o-alam se phat-ta hai seena na poochiye.
Seena na poochiye.
Jaagi na phir kabhi wo (x2) bohat Maa ne di sadaa.

Jaag Sakeena… (x2)

Sadiyaan guzar gayee hain. Magar Sarwar-o-Rehaan.
Magar Sarwar-o-Rehaan.
Zindaan-e-shaam royay to rota hai aasmaan.
Rota hai aasmaan.
Ab bhi pukaartay hain (x2) yehi Shaah-e-Karbala.

Jaag Sakeena Jaag Baaba Ka Sar Aaya (x3)

Check out other Noha from Syed Nadeem Raza Sarwar:
https://www.abulhasanlakhani.com/category/noha/nadeem-sarwar/

Nadeem Sarwar’s YouTube channel:
https://www.youtube.com/user/syednadeemsarwar