Maa Teray Jaanay Se – Special Kalaam by Shuja Rizvi

Maa Teray Jaanay Se

Maa (x2)

Teray jaanay se (x2).
Zindagi ho gayi veeraan.
Maa teray jaanay se.

Ghar bhi ab lagta hai sunsaan.
Maa teray jaanay se.

Zindagi ho gayi veeraan.
Maa teray…

Teray hotay huay hotay thay zamaanay meray (x2).
Lagtay hain ab sabhi anjaan.
Maa teray…

Baith kar paass meray baatein jahaan karti thi (x2).
Soona wo ho gaya daalaan.
Maa teray…

Kitnay dukh main ne diye tu ne wo hans kar hi sahay (x2).
Soch kar hoon main pashaymaan.
Maa teray…

Muskuraa deti thi tu dekh ke naadim mujh ko (x2).
Kho gayi wo teri muskaan.
Maa teray…

Maut aa jaati mujhay maa teri khidmat kartay (x2).
Reh gaya dil mein ye armaan.
Maa teray…

Hai bada ghar bhi mera paass hai daulat bhi bohat (x2).
Phir bhi rehta hoon parayshaan.
Maa teray…

Jaatay jaatay bhi dua jeenay ki di tu ne mujhay (x2).
Ab hui hai teri pehchaan.
Maa teray…

Baad meray bhi yunhi saath mein sab mil ke rahain (x2).
Yaad aata hai ye farmaan.
Maa teray…

Har taraf dhoondti hain meri nigaahain tujh ko (x2).
Teri yaad aati hai har aan.
Maa teray…

Tu ne Shabbir pe rona bhi sikhaaya hai mujhay (x2).
Yaad kitnay karoon ehsaan.
Maa teray…

Maa se liptay huay rotay huay kehtay thay Hussain (x2).
Jaati ab hai ye meri jaan.
Maa teray…

Tukday Qaasim ke huay Akbar-o-Asghar na rahay (x2).
Lutt gaya sab sar-e-maidaan.
Maa teray…

Rotay rotay ye hi kehtay thay Shuja aur Shahaab (x2).
Hum huay be sar-o-saamaan.
Maa teray…

Zindagi ho gayi veeraan.
Maa teray jaanay se.

Ghar bhi ab lagta hai sunsaan.
Maa teray jaanay se.

Zindagi ho gayi veeraan.
Maa teray jaanay se.

Check out other kalaams by Syed Shuja Rizvi at https://www.abulhasanlakhani.com/category/others/shuja-rizvi/

Check out other productions by Syed Farhan Naqvi at https://www.youtube.com/channel/UCB9Ygf36P3a39Wbue3SVtmQ