Jaltay Huay Khaimon Mein – Ali Zia Rizvi 1980s

Jaltay huay khaimon mein sada goonj rahi hai (x2)
Abbas Abbas Abbas ab aao

Jaltay huay khaimon mein sada goonj rahi hai (x2)

Ye lashkar-e-be deen rida chheen raha hai (x2)
Saidaaniyon pa shimr ki durroan se jafa hai
Abbas Abbas Abbas bachaao

Jaltay huay khaimon… (x2)

Na mehramo ka majma hai aur hum hain khulay sar (x2)
Gheray huay hain dushman-e-deen aur sitamgar
Abbas Abbas Abbas hataao

Jaltay huay khaimon… (x2)

Zaalim hamain laachaar samjhtay hain baraadar (x2)
Naizoan ki chobotay hain anee pusht pa aa kar
Abbas Abbas Abbas bachaao

Jaltay huay khaimon… (x2)

Durr Baali Sakina ke sitamgar ne utaaray (x2)
Rukhsaar pa be jurm tamaachay bhi hain maaray
Abbas Abbas Abbas dilaao

Jaltay huay khaimon… (x2)

Zid karti hai soti nahi roti hai Sakina (x2)
Aagosh tumhari hai na hai baap ka seena
Abbas Abbas Abbas sulaao

Jaltay huay khaimon… (x2)

Aada ne jala daala bayabaan mein maskan (x2)
Jalta hai Sakina ka teri aag se daaman
Abbas Abbas Abbas bujhaao

Jaltay huay khaimon mein… (x2)

Aye kaash Anees itna hi ban jaaye muqaddar (x2)
Bosa loon zareeh-e-Shah-e-abraar ka jaa kar
Abbas Abbas Abbas bulaao

Abul Hasan Lakhani About Everything I Love!