Mere Baba Khairiyat Se Hon – Nadeem Sarwar 1998-99

Mere baba khairiyat se hon

Sughra gash se chonk uthi
Boli sar ko peet-te huay
Haye meri neend udh gayi (x2)
Mere baba khairiyat se hon (x2)

Mere baba khairiyat se hon (x2)
Mere baba khairiyat se hon (x2)

Dekha aaj main ne kaisa khwaab
Rait par paday hain kuch gulaab
Chun rahay hain jin ko Bu Turaab
Khoon ro raha hai aaftab
Haaye meri neend udh gayi
Mere baba khairiyat… (x2)

Mere baba khairiyat… (x2)

Ik taraf alam hai khoon mein tar
jhukk gayi hai Shah ki kamar
Ja rahi hai jis taraf nazar
Bibiyaan khadi hain nangay sar
Haaye meri neend udh gayi
Mere baba khairiyat… (x2)

Mere baba khairiyat… (x2)

Haaye haaye Qasim e jawaan
Bayn kar rahi hai jis ki maa
Hil gaye zameen o aasmaan
Todi jab dulhan ne choodiyaan
Haaye meri neend udh gayi
Mere baba khairiyat… (x2)

Mere baba khairiyat… (x2)

Aik bachhi seena-e-padar
Dhoond-ti rahi idhar udhar
baap so raha tha khaak par
jis ke tan se kat chuka tha sar
Haaye meri neend udh gayi
Mere baba khairiyat… (x2)

Mere baba khairiyat… (x2)

Qaid hain Rasool zaadiyaan
Haath mein bandhi hain rassiyaan
Be kajaawa hain amaariyaan
Khoon ro raha hai saaribaan
Haaye meri neend udh gayi
Mere baba khairiyat… (x2)

Mere baba khairiyat… (x2)

Khwaab ye bada ajeeb tha
Baadshah-e-deen ghareeb tha
Kya yehi mera naseeb tha
Be kafan mera tabeeb tha
Haaye meri neend udh gayi
Mere baba khairiyat… (x2)

Mere baba khairiyat… (x2)

Sarwar-o-Rehan ki dua
Ho kubool Shaah-e-Karbala
Koi beti aur is tarhan
Phir tadap ke yun na de sada
Haaye meri neend udh gayi
Mere baba khairiyat… (x2)

Mere baba khairiyat… (x2)

Check out other Noha from Syed Nadeem Raza Sarwar:
https://www.abulhasanlakhani.com/category/noha/nadeem-sarwar/

Nadeem Sarwar’s YouTube channel:
https://www.youtube.com/user/syednadeemsarwar