Muslim Akela Hai – Mir Hasan Mir 2020-21

Muslim Akela Hai

Haaye Muslim Haaye Muslim (x4)

Kaha Shabbir ne Ghaazi wo dekho jaanib-e-Koofa
Mera Muslim Akela Hai

Kaha Shabbir ne Ghaazi… Mera Muslim… (x2)

Na koi moonis-o-yaawar na koi paass hai beta
Mera Muslim…

Kaha Shabbir ne Ghaazi… Mera Muslim… (x2)

Mere bhai ko chaaroan samt se faujoan ne ghera hai.
Hazaaroan maarnay waalay hain aur Muslim akela hai.
Hain koofi chaar jaanib aur nahin hai koi bhi apna.
Mera Muslim…

Kaha Shabbir ne Ghaazi… Mera Muslim… (x2)

Badhi dushwaar manzil hai kabhi aisa na waqt aaye.
Watan se duur ghurbat mein koi aisay na dukh paaye.
Rukayya honay waali hai abhi kuch der mein bewa.
Mera Muslim…

Kaha Shabbir ne Ghaazi… Mera Muslim… (x2)

Jo mere dil pe guzri hai unhain batla nahi sakta.
Tumhaari betiyoan ke saath Koofa ja nahi sakta.
Bacha lein mere bhai ko Najaf nazdeek hai Baba.
Mera Muslim…

Kaha Shabbir ne Ghaazi… Mera Muslim… (x2)

Katay hontoan ka us ke khoon jab paani mein girta hai.
Gira kar jaam paani ko badi hasrat se takta hai.
Na jaanay kitna zakhmi hai na jaanay kab se hai pyaasa.
Mera Muslim…

Kaha Shabbir ne Ghaazi… Mera Muslim… (x2)

Nazar aatay nahi Abbas ko Muslim ke Shahzaaday.
Muhammad aur Ibraahim us ke saath niklay thay.
Kahan par kho gaye donoan na jaanay kya hua aisa.
Mera Muslim…

Kaha Shabbir ne Ghaazi… Mera Muslim… (x2)

Ye kal tak saath thay us ke abhi sab ho gaye baaghi.
Safeer-e-Ibn-e-Haider ki ajab ghurbat hai ye Ghaazi.
Koi ghar se nahi nikla sadaa deti rahi Zehra.
Mera Muslim…

Kaha Shabbir ne Ghaazi… Mera Muslim… (x2)

Siwaaye Ibn-e-Urwa ke koi aaya nahi aagay.
Bachaanay to nahi aaye wo laasha hi utha letay.
Kahan khat likhnay waalay hain koi ab tak nahi aaya.
Mera Muslim…

Kaha Shabbir ne Ghaazi… Mera Muslim… (x2)

Mere Abbas-e-Ghaazi ki behan ka hai yahan roza.
Tere pursay ko Mola main to Koofa aa nahi sakta.
Main Bibi paak daaman ko tera noha sunaaonga.
Mera Muslim…

Kaha Shabbir ne Ghaazi… Mera Muslim… (x2)

Lipat kar Sheh ke kadmoan se kaha Ghaazi ne aye Mola.
Mujhe pohncha dein Koofa to badal doon shehar ka naqsha.
Ghareebi par mere bhai ki saara shehar hai hansta.
Mera Muslim Akela Hai

Kaha Shabbir ne Ghaazi… Mera Muslim… (x2)

Kaha Akbar ye ro ro kar Shah-e-waala ne Ghaazi se.
Wo dekho bethi hain amma wahan daaman ko phailaye.
Sar-e-Muslim ko seenay se lagaaye kehti hain Zehra.

Mera Muslim Akela Hai

Check out other Noha from Mir Hasan Mir:
https://www.abulhasanlakhani.com/category/noha/mir-hasan-mir/

Mir Hasan Mir’s YouTube channel:
https://www.youtube.com/MirHasanMir