Abul Hasan Lakhani About Everything I Love!
Sad Shukr Mere Yaarab
Sajday mein sar hai halq pe khanjar ki dhaar hai
Banda ye kaun aisa ibaadat guzaar hai
Khaamosh kaisay tu mere Parwardigaar hai
Dar par behan pusht pe qaatil sawaar hai
Is haal mein bhi lab pe yehi baar baar hai
Sad shukr sad shukr sad shukr mere yaarab
Haan ye wohi Hussain Alaihis Salaam hai
Teri taraf se jis pe durood-o-salaam hai
Sibt-e-Nabi hai ye Shah-e-Aali muqaam hai (x3)
Jis ke laboan pe aik hi kalma mudaam hai
Sad shukr.
Sad shukr.
Sad shukr mere yaarab
Ye wo hai jis ke haath mein zulf-e-Rasool thi
Tere Nabi ko is ki har ik zid qubool thi
Baba Ali isi ka tha maadar Batool thi (x3)
Us ki zubaan pe baat yehi misl-e-phool thi
Sad shukr… (x2)
Kehtay hain dast-e-Fatima Zehra ke aablay
Paala hai chakki pees ke maadar ne pyaar se
Jannat se kapday Eid pe bhejay Khuda jisay (x3)
Shukr-e-Khuda mein baat wo kyunkar na ye kahay
Sad shukr… (x2)
Aulaad waalon tum hi karo dil se faisla
Wo shakhs jis ka beta ho hamshakl-e-Mustafa
Dekhay usi pisar ka wo seena chida hua (x3)
Neza nikaaltay huay seenay se di sada
Sad shukr… (x2)
Rukh soo-e-aasmaa kiya khaaliq ko di sada
Asghar shaheed ho gaya Akbar guzar gaya
Lashkar kahan ka mera baradar nahi raha (x3)
Par bekas-o-malool ne shikwa nahi kiya
Sad shukr… (x2)
Naraaz Tu ho mujh se mujhe sab qubool hai
Tu khush ho aye Kareem mujhe sab qubool hai
Qaid-e-haram aseeri-e-Zainab qubool hai (x3)
Kya tujh ko meri baat ye yaarab qubool hai.
Sad shukr… (x2)
Zakhmoan se choor choor tha jab Fatima ka laal
Lakht-e-dil-e-Ali-o-Nabi gham se tha nidhaal
Chehray pe khoon mal ke basad hasrat-o-malaal (x3)
Ki arz Sheh ne shukr hai aye Rabb-e-Zuljalaal
Sad shukr… (x2)
Kaisay kahoon Rehan jo Sheh par guzar gayi
Betay shaheed ho gaye bachi bichad gayi
Zainab dayaar-e-shaam mein jab nangay sar gayi (x3)
Nok-e-sina se soo-e-falak ye khabar gayi
Sad shukr.
Sad shukr.
Sad shukr mere yaarab
Check out other Noha from Syed Nadeem Raza Sarwar:
https://www.abulhasanlakhani.com/category/noha/nadeem-sarwar/
Nadeem Sarwar’s YouTube channel:
https://www.youtube.com/user/syednadeemsarwar
