Na Alam Na Chacha – Syed Nasir Hussain Zaidi

Na alam na chacha

Na alam na chacha na shah-e-karbala shaam ho gayi.
Jo bhi ghar se gaya wo na phir aa saka shaam ho gayi.
Na alam na… (x2)

Raah takti rahi shiddat-e-pyaas mein.
Kat gaya din isi aas hee aas mein.
Koi aaya nahi jaane kya ho gaya.
Shaam ho gayi.

Na alam na… (x2)

Pani lenay gayay deyr kyun ho gayi.
Din dhala aye chacha shaam-e-gham aa gayi.
Khushk hai aye chacha mera ab tak gala.
Shaam ho gayi.

Na alam na… (x2)

Kis ko awaaz doo’n hoo ke maidaan mein.
Kaun hai jo sunay is bayaabaan mein.
De rahi hoo’n tumhain jaanay kab se sada.
Shaam ho gayi.

Na alam na… (x2)

Laut aao ke paani nahi chahiye.
Khao mujh par taras ab Khuda ke liye.
Mashk khaali hi le aao ab to chacha.
Shaam ho gayi.

Na alam na… (x2)

Jaakay maidaa’n mein baba bhi aaye nahi.
Ab to jhoolay mein Asghar bhi haaye nahi.
Khaima jalta hai yu’n jaisay koi diyaa.
Shaam ho gayi.

Na alam na… (x2)

Ro rahi hai phupphi chin gayi hai ridaa.
Maartay hain tamaachay mujhe ashkiyaa.
Khaima jalta hai yu’n jaisay koi diyaa.
Shaam ho gayi.

Na alam na… (x2)

Baazuoa’n mein rasand baandhnay aa gayay.
Khainch ke le gaye durr mere kaan se.
Ho gaya khoo’n se tar saara kurta mera.
Shaam ho gayi.

Na alam na… (x2)

Lo chacha su-e-zindaa’n chali ghamzada.
Alvida alvida aye qateel-e-jafa.
Lijiye aap se ho rahi hoon juda.
Shaam ho gayi.

Na alam na chacha… (x2)

Noha Rehaan majlis mein sun ke tera.
Chashmay giryaa’n ko ye hosh kab hi raha.
Kab sehar ho gayi aur kab din dhala.
Shaam ho gayi.

Na alam na chacha na shah-e-karbala shaam ho gayi (x2).

Jo bhi ghar se gaya wo na phir aa saka shaam ho gayi.
Na alam na…
Shaam ho gayi…

Check out Syed Nasir Hussain Zaidi’s YouTube Channel:
https://www.youtube.com/c/NasirZaidi