Abul Hasan Lakhani About Everything I Love!
Utho Sakina Utho
Utho Sakina utho jaata hai kaarwan (x2)
Teray baghair jaani kaisay jiye gi maa
Utho Sakina utho jaata hai kaarwan
Zindaan ka ye andhera hoga kahan sawera (x2)
Pardes mein Sakina gham khwaar kaun tera (x2)
Zakhmi hain kaan teray khaali hain baaliyan
Utho Sakina Utho… (x2)
Qabr-e-Batool tanha veeraan hai Madina (x2)
Karb-o-bala mein Asghar zindaan mein Sakina (x2)
Dil ko hila rahi hain Asghar ki hichkiyaan
Utho Sakina… (x2)
Maa ja rahi hai Bibi veeraan goad le kar (x2)
Karb-o-bala ke ban mein apna suhaag de kar (x2)
Kaisay Madinay jaaon sab kuch to hai yahan
Utho Sakina… (x2)
Sughra ka saamna main kaisay karoon bata de (x2)
Poochay gi jab wo mujhse main kya kahoon bata de (x2)
Amma meri Sakina kho aayi ho kahaan
Utho Sakina… (x2)
Main is ghadhi se pehlay aye kaash mar hi jaoon (x2)
Kis kis ko kya bataoon kis kis se moo chupaaon (x2)
Poochengi mujhse aa kar jab saari Bibiyaan
Utho Sakina… (x2)
Dil gham se hai do paara hamain shaamiyon ne maara (x2)
Abbas bhi nahi hain jo badh ke dain sahaara (x2)
Jangal mein so rahi hain saari nishaaniyaan
Utho Sakina… (x2)
Irfan gham-e-Sakina hai dukh bhari kahaani (x2)
Ye dukh bhari kahaani Nasir ki hai zubaani (x2)
Main sochta hoon ab bhi kaisay karoon bayaan
Utho Sakina… (x2)
Check out other nohas from Syed Nasir Hussain Zaidi:
https://www.abulhasanlakhani.com/category/noha/nasir-hussain-zaidi/
Check out Syed Nasir Hussain Zaidi’s YouTube Channel:
https://www.youtube.com/c/NasirZaidi
