Safar-e-Shaam Ki Rudaad – Joan Rizvi 2019-20

Safar-e-Shaam Ki Rudaad

Safar-e-shaam ki rudaad sunaoon kaisay (x2).
Khoon rota hai kalam (x2) aur batao’n kaisay.

Safar-e-shaam ki… (x2)

Maut achi thi ye Abid ne kaha khoo’n ro kar (x2).
Saath saadat ke baazaro’n mein jaaon kaisay.
Khoon rota hai kalam aur batao’n kaisay.

Safar-e-shaam ki… (x2)

Sar barehna hai phuppi aur behan saath meray (x2).
Chaadar-e-waaris-e-tat’heer udaaon kaisay.
Khoon rota hai kalam aur batao’n kaisay.

Safar-e-shaam ki… (x2)

Koi patthar liyay aata hai koi teer-o-tabar (x2).
Hath hain meray bandhay haaye bachaao’n kaisay.
Khoon rota hai kalam aur batao’n kaisay.

Safar-e-shaam ki… (x2)

Apnay gham bhool gayee’n Zainab-o-Kulsoom magar (x2).
Sochti theen ke Sakina ko bachaao’n kaisay.
Khoon rota hai kalam aur batao’n kaisay.

Safar-e-shaam ki… (x2)

Sar-e-mazloom nahi badhta Sakina gumm hai (x2).
Is bayabaa’n mein usay dhoond ke laaon kaisay.
Khoon rota hai kalam aur batao’n kaisay.

Safar-e-shaam ki… (x2)

Sar barehna hai pas-e-pusht bandhay haath meray (x2).
Aur darbaar-e-yazeedi hai main jaao’n kaisay.
Khoon rota hai kalam aur batao’n kaisay.

Safar-e-shaam ki… (x2)

Maa isi shehar ki shehzadi hua karti thi (x2).
Qaidi ban kar main usi shehar mein jaao’n kaisay.
Khoon rota hai kalam aur batao’n kaisay.

Safar-e-shaam ki… (x2)

Jab Sakina ko kaneezi mein tha maanga us dam (x2).
Guzri Sajjad pe kya Joan bataao’n kaisay.

Safar-e-shaam ki rudaad sunaoon kaisay (x2).

Check out other kalaams from Joan Rizvi:
http://3.26.224.92/category/noha/joan-rizvi/

Joan Rizvi’s YouTube channel:
https://www.youtube.com/JoanRizviOfficial