Barchi Na Khenchna – Syed Raza Abbas Zaidi

Bolay pidar se Akbar barchi na khenchna (x2).
Hai jaan ab labon par (x2). Barchi na khenchna.
Bolay pidar se Akbar barchi na khenchna.

Baba nazar ko phair lodum tootnay laga.
Barchi ke phal se khoon hai dil ka ruka hua.
Ublay ga khoo’n zameen par (x2). Barchi na…
Bolay pidar se…

Main ne tumhain bulaya tha taakay main keh sakoon.
Bilkul na gham karo mere dil ko hai ab sukoon.
Bethay raho yahan magar (x2). Barchi na…
Bolay pidar se…

Amma ko ye khabar na ho mere sina lagi.
Gash aa gaya hai bas zara shiddat thi pyaas ki.
Main aa raha hoon jao ghar (x2). Barchi na…
Bolay pidar se…

Bolay Hussain baap ko behla rahay hain aap.
Maloom hai ke yaa’n se kahan ja rahay hain aap.
Kehtay ho moo ko pher kar (x2). Barchi na…
Bolay pidar se…

Saansain ukhad rahi hain to maddham hai nabz bhi.
Kartay ho aah hum ko hai taakeed sabr ki.
Kehtay ho thaam ke jigar (x2). Barchi na…
Bolay pidar se…

Akbar pukaray baap se dil ko sambhaliye.
Tooti sina kalejay mein rehnay hi dijiye.
Niklay ga saath mein jigar (x2). Barchi na…
Bolay pidar se…

Mola ne Ya Ali kaha dil ko sambhaal kar.
Phir khud hi ladhkhadha gaye barchi nikaal kar.
Kehta raha jawaa’n pisar (x2). Barchi na…
Bolay pidar se Akbar barchi na…

Rehan saath barchi ke dil bhi nikal padha.
Padhtay rahay Hussain bhi taa der marsiya.
Maa kehti aayi nangay sar (x2) barchi na khenchna.
Bolay pidar se Akbar barchi na…

YouTube Channel of Syed Raza Abbas Zaidi:
https://www.youtube.com/channel/UCo_vF_Hjw4NV0mEixbeRgew

Check out other noha write-ups for Syed Raza Abbas Zaidi:
https://www.abulhasanlakhani.com/category/noha/syed-raza-abbas-zaidi-noha/