Meri Sakina Ko – Syed Raza Abbas Zaidi

Hai Hai Hai Sakina (x2).

Bano ye Abid ko batla rahi hai.
Meri Sakina ko neend aa rahi hai.

Meri Sakina ko neend aa rahi hai (x2).

Bano ye Abid ko batla rahi hai.
Meri Sakina ko… (x2)

1. Keh do hawaaon se aahista aayein.
Keh do parindon se ghul na machayein.
Keh do andheron se wapas na jaayein (x2).
Jaagi hui chaen kuch paa rahi hai.
Meri sakina ko… Bano ye Abid ko…

2. Shayad rasand ki aziyyat hui kam.
Madham karo bibiyon shor-e-matam.
Sajjad zanjeer bolay na is dum (x2).
Shayad ghamon ki ghadi ja rahi hai.
Meri sakina… Bano ye Abid ko…

3. Zindan ka dar zor se ab na kholo.
Aye pehray daro ab aahista bolo.
Tum bhi to jaagay ho kuch dair so lo (x2).
Baba ki khusboo isay aa rahi hai.
Meri Sakina… Bano ye Abid ko…

4. Ke ab dhadkan-e-dil bhi is pe giraan hai.
Na bhai hai nazdeek na is ke maa hai.
Kaano se khoon go ke ab bhi rawaan hai (x2).
Magar aankh bojhal ye samjha rahi hai.
Meri Sakina… Bano ye Abid ko…

5. Ye sham-e-ghareeban ki jaagi hui hai.
Tamachon ke darr se nahi so saki hai.
Zara ab galay se rasan jo khuli hai (x2).
Sukoon se jo ab saans le pa rahi hai.
Meri Sakina… Bano ye Abid ko…

6. Main khush hoon ke soyegi meri dulaari.
Mai qurban is ke main ab is ke waari.
Bohat seh chuki dukh ye Ghazi ki pyaari (x2).
Magar nabz kuch aur batla rahi hai.
Meri Sakina… Bano ye Abid ko…

7. Magar ye hua kya ke zindaan roya.
Badan rooh ke saath bachi ka soya.
Na jaagi wo Abid ne shaana hilaaya (x2).
Aur ab maa ye kehtay bhi sharma rahi hai.
Meri Sakina… Bano ye Abid ko…

8. Kahan tak likhoonga main Rehan noha.
Kabhi shaam jaaon to dekhoon wo rauza.
Jahan qaidi bachi ka marqad hai tanha (x2).
Jahan maa abhi bhi kahay ja rahi hai.
Meri Sakina ko…

Hai hai hai Sakina (x2).