Darwaza-e-Hussain Pe – Mir Hasan Mir

Darwaza-e-Hussain pe sajda kiay baghair (x2).
Banta nahi wali koi aisa kiay baghair.
Darwaza-e-Hussain pe sajda kiay baghair.

1. Dafnana mujh ko jald Ali hongay muntazir (x2).
Aye logo intezar kisi ka kiay baghair.

Darwaza-e-Hussain…

2. Nou lakh sar jhukay hain tabassum ke saamnay (x2).
Asghar ne jang jeet li hamla kiay baghair.

Darwaza-e-Hussain…

3. Abbas wo jari hai jo maidaan-e-jang mein (x2).
Larta hai bazuoan pe bharosa kiay baghair.

Darwaza-e-Hussain…

4. Ghasib fidak ka naak ragarta hi reh giya.
Jannat mein Hurr chala gaya tauba kiay baghair.

Darwaza-e-Hussain…

5. Aashoor waalay din ye mujhe maa ka hukm tha (x2).
Ghar mein na aana khoon ka pursa kiay baghair.

Darwaza-e-Hussain…

6. Allah keh raha hai tawalla nahi qubool (x2).
Zehra ke dushmanon pe tabarra kiay baghair.

Darwaza-e-Hussain…

7. Qaayam na zulfiqar rakhain ge niyaam mein (x2).
Abbas ke kalejay ko thanda kiay baghair.

Darwaza-e-Hussain…

8. Taqleed mein hoon main bhi Anees-o-Dabeer ki (x2).
Sajjad sheyr likhta hoon charba kiay baghair.

Darwaza-e-Hussain pe sajda kiay baghair.
Sajda kiay baghair.