Abul Hasan Lakhani About Everything I Love!
Wo Jo Yaad-e-Hasan Mein
Wo jo yaad-e-Hasan mein basar ho gayi (x2).
Bas wohi zindagi mo’tabar ho gayi
Wo jo yaad-e-Hasan…
Shak parasto ka naam-o-nishaa mit gaya (x2).
Shaam honay se pehlay sehar ho gayi.
Wo jo yaad-e-Hasan…
Aaj kausar ka mafhoom waazeh hua (x2).
Aamad-e-Mujtaba kaargar ho gayi.
Wo jo yaad-e-Hasan…
Innama hal ataa minniyyat Mustafa (x2).
Shakhsiyat khoob se khoob tar ho gayi.
Wo jo yaad-e-Hasan…
Sulh-e-Shabbar mo’assar hui is tarha (x2).
Baat badhti magar mukhtasar ho gayi.
Wo jo yaad-e-Hasan…
Ye kamaal-e-sha’oor-e-Hasan dekhiye (x2).
Teigh uthi nahi jang sar ho gayi.
Wo jo yaad-e-Hasan…
Hum Hussaini idhar wo yazeedi udhar (x2).
Khuld is simt dozakh udhar ho gayi.
Wo jo yaad-e-Hasan…
Mujh pe Ashraf Hasan ka hua ye karam (x2).
Raah-e-Jannat ki mujhko khabar ho gayi.
Wo jo yaad-e-Hasan…
Check out other manqabats from Mir Hasan Mir:
https://www.abulhasanlakhani.com/category/manqabats/mir-hasan-mir-manqabats/
Mir Hasan Mir’s YouTube channel:
https://www.youtube.com/MirHasanMir
