Hussain Hai Na – Mir Hasan Mir 2021-22

Hussain Hai Na

Khuda se kehnay (x2) lageen ye Zahra
Hussain hai na Hussain hai na (x2)

Teri shariyyat ko kaisa khatra (x2).
Hussain hai na (x2).

Hussain hai…

Kaha Khuda ne Rasool jao.
Jahaan ko ye usool de do.
Hussain jab tak bhi pusht pe hai.
Tum apnay sajdon ko tool de do.
Tumhara sajda (x2) bacha rahay ga.

Hussain hai… (x2)

Khayaal chotoan ka kis tarhan se.
Baroan ne rakha hai ye bataanay.
Rasool zer-e-kisa thay jis damm.
Hasan ne Zahra ne Murtaza ne.
Thaher ke pehlay (x2) Nabi se poocha.

Hussain hai… (x2)

Jo dekha maathay pe daag-e-sajda.
To sheikh se boli un ki zauja.
Janaab sab khairiyat to hai na.
Taweel itna kiya hai sajda.
Wo bolay jal kar (x2) Aray wo bacha.

Hussain hai na… (x2)

Ulat di nanni si aasteenain.
Kamar mein rumaal us ki bandha.
Nazar utaari nazar se apni.
Ali ki beti ne phir ye bola.
Rabab Dekho (x2) tumhara beta.

Hussain hai… (x2)

Khuda se Zainab ka tha ye waada.
Yazeed jitna bhi dam laga le.
Azaan hogi namaaz hogi.
Wo chaahay nau laakh ko bula le.
Gira sakay ga (x2) na tera Kaaba.

Hussain hai… (x2)

Jalaal mein jab Ali ka beta.
Chala jo taigh-e-Ali ko tolay.
Ajeeb bhagdadh thi Karbala mein.
Sawaar ik doosray se bolay.
Tere bhi peechay (x2) aray bataana.

Hussain hai na (x2)

Na wo kisi se hua hai paida.
Na koi bhi us se hoga paida.
Ye shart-e-tauheed hai nusairi.
Bata ke ab tera Kiya banay ga.
Teray khuda ka (x2) to aik beta.

Hussain hai… (x2)

Wo sab balaaon ko taal de ga.
Wo mushkiloan se nikaal de ga.
Khilaaf chahay ho saari dunya.
Wo khud akela sambhaal lega.
Ali ke shion (x2) tumhara Mola.

Hussain hai… (x2)

Udaas betha hai kyun musalmaan.
Nahi agar Hajj ki istetaa’at.
To ja abhi Karbala chala ja.
Khuloos se dil mein kar ke niyyat.
Bagair-e-hajj bhi (x2) Tu haaji hoga.

Hussain hai… (x2)

Khuda ki izzat rakhi hai jis ne.
Milay gi mujh ko waheen se izzat.
Utha lo daulat utha lo shauhrat.
Nahi Takallum ko kuch zaroorat.
Haseen dunya (x2) ka kya karoonga.

Hussain hai na (x3)

Check out other manqabats from Mir Hasan Mir:
https://www.abulhasanlakhani.com/category/manqabats/mir-hasan-mir-manqabats/

Mir Hasan Mir’s YouTube channel:
https://www.youtube.com/MirHasanMir