Abul Hasan LakhaniAbul Hasan Lakhani — Noha, Manqabat & Soz-o-Salaam lyrics in Urdu and Roman English
Soz-o-Salaam

Aik Baar Aur Mujhe Godh Mein - Mir Hasan Mir 2005

Recited byMir Hasan Mir·

اردو

ایک بار اور مجھے گود میں لے لو باباؑ

وا حسیناؑ کا ہوا شور حرم میں برپا
ہو کے رُخصت جو چلے گھر سے شہِؑ کرب و بلا
کہہ کے یہ دوڑی سکینہؑ کہ ٹھہر جاؤ ذرا

شہؑ نے بچی کا جو یہ حال پریشاں دیکھا
رو کے فرمایا کہ کیا حال میری ماہِ لقا
جوڑ کر ننھے سے ہاتھوں کو سکینہؑ نے کہا

سوچتی ہوں کہ طمانچے کوئی مارے نہ میرے
گوشوارے کوئی کانوں سے اُتارے نہ میرے
وہم آتے ہیں میرے دِل میں نہ جانے کیا کیا

میں سمجھتی ہوں کہ یوں ہی مجھے بہلاتے ہو
تھا نہ معلوم کہ مرنے کیلئے جاتے ہو
تم ہمیشہ کے لئے ہوتے ہو اب مجھ سے جُدا

باباؑ سینے سے سکینہؑ کو لگاتے جاؤ
اب کہاں ہوگی ملاقات بتاتے جاؤ
تم کو اکبرؑ کی قسم غنچہ دہن کا صدقہ

اب میں پیاسی ہوں نہ پانی کی ضرورت ہے مُجھے
کوئ حاجت نہیں بس اتنی سی حسرت ہے مُجھے
دیکھ لوں پھر سے میں جی بھر کے تُمہارا چہرا

کیا خبر تم سے کوئی بات بھی اب ہو کہ نہ ہو
کون جانے کہ ملاقات بھی اب ہو کہ نہ ہو
دِل دھڑکتا ہے میرا بحرِ نبیؐ بہرِ خُدا

اپنی آغوش میں اے باباؑ چُھپا لو مجھ کو
آخری بار کلیجے سے لگا لو مجھ کو
جیتے جی آہ کہاں اب تمہیں پاؤں گی بھلا

تم نہ آؤ گے تو اے باباؑ بہت روؤں گی
کس کے سینے پہ بتا دیجئے پھر سوؤں گی
نہ تو بھیا علی اکبرؑ ہیں نہ عباسؑ چچا

ضبط کی تاب نہ مولاؑ کو رہی اے انورہاتھ پھیلا کے بڑھے بیٹی کی جانب سرورؑ
جس گھڑی بیکس و معصوم نے رو رو کے کہا

شاعر: انور — نوحہ خواں: میر حسن میر

Roman English

Aik baar aur mujhe god mein le lo Babaؑ

Wa Hussainaؑ ka hua shor haram mein barpa
Ho ke rukhsat jo chale ghar se Shah-eؑ Karb-o-Bala
Keh ke yeh daurhi Sakinaؑ ke thehar jaao zara

Shahؑ ne bachi ka jo yeh haal pareshaan dekha
Ro ke farmaya ke kya haal meri maah-e-laqa
Jorh kar nanhe se haathon ko Sakinaؑ ne kaha

Sochti hoon ke tamaanche koi maare na merey
Goshwaare koi kaanon se utaare na merey
Weham aate hain merey dil mein na jaane kya kya

Main samajhti hoon ke yoon hi mujhe behlaate ho
Tha na maloom ke marne keliye jaate ho
Tum hamesha ke liye hote ho ab mujh se juda

Babaؑ seenay se Sakinaؑ ko lagaate jaao
Ab kahaan hogi mulaqaat bataate jaao
Tum ko Akbarؑ ki qasam ghuncha dahan ka sadqa

Ab main pyaasi hoon na paani ki zaroorat hai mujhe
Koi haajat nahi bas itni si hasrat hai mujhe
Dekh loon phir se main jee bhar ke tumhara chehra

Kya khabar tum se koi baat bhi ab ho ke na ho
Kaun jaane ke mulaqaat bhi ab ho ke na ho
Dil dharakta hai mera behr-e-Nabiؐ behr-e-Khuda

Apni aaghosh mein aye Babaؑ chhupa lo mujh ko
Aakhri baar kaleje se laga lo mujh ko
Jeete jee aah kahaan ab tumhein paaon gi bhala

Tum na aao ge to aye Babaؑ bohat roon gi
Kis ke seenay pe bata dijiye phir soon gi
Na to bhaiya Ali Akbarؑ hain na Abbasؑ chacha

Zabt ki taab na Maulaؑ ko rahi aye Anwar
Haath phaila ke barhe beti ki jaanib Sarwarؑ
Jis ghari bekas o masoom ne ro ro ke kaha

Shayar: Anwar — Noha Khwan: Mir Hasan Mir

Bibi Sakina S.AWriteupMola Hussain A.S13th SafarSyed Mukhtar Hussain Fathepuri

Related Kalaam