Khuda Khair Karay – Mir Hasan Mir 2017-18

Roman Urdu

Khuda khair karay

Bint-e-Zehra ka khula sar hai Khuda khair karay.
Bint-e-Zehra ka khula sar hai Khuda khair karay (x2).

Bint-e-Zehra ka khula sar hai Khuda khair karey (x2).
Aur har haath mein patthar hai Khuda khair karey.

Bint-e-Zehra ka… (x2)

Hurr ke betay pe hi Shabbir bohat roye thay (x2).
Ab to laash-e-Ali Akbar hai Khuda khair karey.

Bint-e-Zehra ka… (x2)

Maartay hain wahan naizo’n ko zamee’n par zaalim (x2).
Dafn jis jaa Ali Asghar hai Khuda khair karey.

Bint-e-Zehra ka… (x2)

Kuch kadam duur khadi dekh rahi hai Zainab (x2).
Shimr ke haath mein khanjar hai Khuda khair karey.

Bint-e-Zehra ka… (x2)

Chonk kar khwaab se kehti thi watan mein Sughra (x2).
Kisi mushkil mein mera ghar hai Khuda khair karey.

Bint-e-Zehra ka… (x2)

Peechay deewar hai aur jalta hua dar aagay (x2).
Beech mein Bint-e-Payambar hai Khuda khair karey.

Bint-e-Zehra ka… (x2)

Be rida jaana hai Zainab ko waha’n par ke jahaa’n (x2).
Har koi dushman-e-Haider hai Khuda khair karey.

Bint-e-Zehra ka… (x2)

Hai chadhi haath mein zaalim ke laboa’n par hai hansi (x2).
Tasht mein sheh ka rakha sar hai Khuda khair karey.

Bint-e-Zehra ka… (x2)

Mir Sajjad ye Shiree’n ne kaha rotay huay (x2).
Kis ki nezay pe ye chadar hai Khuda khair karey.

Bint-e-Zehra ka… (x2)