Abul Hasan Lakhani — Noha, Manqabat & Soz-o-Salaam lyrics in Urdu and Roman Urdu
Noha

Sakina Aur Zehra Ki Musibat Aik Jaisi Hai

Recited by Mir Hasan Mir ·

Sakina Aur Zehra Ki Musibat Aik Jaisi HaiMir Hasan Mir
Watch onYouTube

اردو

عاشورہ فاطمیّہ

سکینہؑ اور زہراؑ کی مصیبت ایک جیسی ہے
ہیں ٹوٹی پسلیاں دونوں، کی حالت ایک جیسی ہے

وہاں بنتِ رسولؐ اللّٰہ کا، پہلو شکستہ ہے
یہاں بچّی، کے کانوں سے، ابھی بھی خون رِستا ہے
لحد میں جا کے بھی دونوں، کی غُربت ایک جیسی ہے

وہاں قُفقُد کے ہاتھوں نے، کوئی تحریر لکھی ہے
یہاں تحریر ظالم شمر کے ہاتھوں، کی ملتی ہے
لکھی دونوں کے چہروں پر، عبارت ایک جیسی ہے

گئیں اِک ایک دَر پر فاطمہؑ، شہرِ مدینہ میں
سکینہؑ در، بدر پھرتی، رہی ہے شام و کوفہ میں
ولایت کے لیے اِن کی، مُسافت ایک جیسی ہے

سرِ دربار دادی اور، پوتی کی ہوئی پیشی
وہ اٹّھارہ برس کی اور، یہ ہے چار برسوں کی
نہ جانے پھر بھی کیوں بالوں، کی رنگت ایک جیسی ہے

اُسے کہتے، تھے یثرب والے، روئے شہر سے باہر
طمانچے مارتے تھے شام والے اِس کو رونے پر
دِلوں میں باپ کو رونے، کی حسرت ایک جیسی ہے

سِتمگر کے طمانچے کی، نہ جانے کیسی ضربت ہے
سہارے سے، چلے دیوار کے دونوں، قیامت ہے
نظر کچھ بھی نہیں آتا، بصارت ایک جیسی ہے

گلے سے مرتضیٰؑ کے رسِّیاں، زہراؑ چھڑاتی ہیں
سکینہؑ طوق پے سجادؑ کے پانی، بہاتی ہیں
امامت کے لیے دونوں، کی محنت ایک جیسی ہے

مِٹا دینا، نشانِ قبرِ میّت، قبر میں رکھ کر
ولایت کا، کوئی مُنکِر نہیں، آئے جنازے پر
امامِ وقت سے اُن کی، وصِیَّت ایک جیسی ہے

قیامت بن کے آیا تھا، تکلّمؔ وقتِ مغرب کا
اِدھر بالی سکینہؑ کا، اُدھر زہراؑ کا دم نِکلا
جہاں سے اِن کے جانے کی، ساعت ایک جیسی ہے

شاعر: میر تکلم میر
استِفادہءِ مصرہ: علی رضا سُرانی
ترز: جناب رضا شاہ

Roman Urdu

Ashura Fatimiyyah

Sakinaؑ aur Zehraؑ ki museebat aik jaisi hai
Hain tooti pasliyaan dono, ki haalat aik jaisi hai

Wahaan bint-e-Rasoolؐ Allah ka, pehlu shikasta hai
Yahaan bachchi, ke kaanon se, abhi bhi khoon rista hai
Lahad mein ja ke bhi dono, ki ghurbat aik jaisi hai

Wahaan Qufqud ke haathon ne, koi tehreer likhi hai
Yahaan tehreer zaalim Shimr ke haathon, ki milti hai
Likhi dono ke chehron par, ibaarat aik jaisi hai

Gayeen ik aik dar par Fatimaؑ, shehr-e-Madina mein
Sakinaؑ dar, badar phirti, rahi hai Shaam o Koofa mein
Wilaayat ke liye in ki, musaafat aik jaisi hai

Sar-e-darbaar daadi aur, poti ki hui peshi
Woh attharah baras ki aur, yeh hai chaar barson ki
Na jaane phir bhi kyun baalon, ki rangat aik jaisi hai

Usey kehte, thay Yasrab waale, roye shehr se baahar
Tamaanche maarte thay Shaam waale is ko rone par
Dilon mein baap ko rone, ki hasrat aik jaisi hai

Sitamgar ke tamaanche ki, na jaane kaisi zarbat hai
Sahaare se, chale deewaar ke dono, qayamat hai
Nazar kuchh bhi nahi aata, basaarat aik jaisi hai

Gale se Murtazaؑ ke rassiyaan, Zehraؑ chhudaati hain
Sakinaؑ tauq pe Sajjadؑ ke paani, bahaati hain
Imaamat ke liye dono, ki mehnat aik jaisi hai

Mita dena, nishaan-e-qabr-e-mayyat, qabr mein rakh kar
Wilaayat ka, koi munkir nahi, aaye janaaze par
Imaam-e-waqt se un ki, wasiyyat aik jaisi hai

Qayamat ban ke aaya tha, Takallum waqt-e-maghrib ka
Idhar baali Sakinaؑ ka, udhar Zehraؑ ka dam nikla
Jahaan se in ke jaane ki, saa'at aik jaisi hai

Shayar: Mir Takallum Mir
Istifaadah-e-misra: Ali Raza Surani
Tarz: Janaab Raza Shah

Ayyaam-e-Fatimiya3rd Jamad-us-saani13th jamad-ul-awwalBibi Fatima S.AMir Takallum MirRaza ShahAli Raza SuraniUrdu Writeup2021-22

Spotted a mistake in this kalaam — a wrong line, reciter or spelling? Suggest a correction

Related Kalaam