Abul Hasan Lakhani — Noha, Manqabat & Soz-o-Salaam lyrics in Urdu and Roman Urdu
Noha

Pehlu Bhi Shikasta Hai

Recited by Mir Hasan Mir ·

Pehlu Bhi Shikasta HaiMir Hasan Mir
Watch onYouTube

اردو

پہلو بھی شکستہ ہے تُربت بھی شکستہ ہے
کیا حال یہ امت نے زہراؑ کا بنایا ہے

خاتون کوئی غم سے یوں چُور نہیں دیکھی
ایسی کوئی دُنیا میں مستور نہیں دیکھی
اٹھارہ برس میں ہی لگتی جو ضعیفہ ہے

دربار میں ظالم نے کی ایسی پذیرائی
کس طرح سے تو بی بیؑ پھر لوٹ کے گھر آئی
بالوں کی سفیدی نے سب حال سُنایا ہے

تو روتی رہی گھر میں حیدرؑ سے بھی چھپ چھپ کے
عصمت کی طرح دُکھ بھی پردے میں رہے تیرے
کچھ درد تیرے بی بیؑ بس جانتی فضہؑ ہے

دو ایسے جنازے ہیں تاریکی میں جو اُٹھے
بس گھر کے ہی لوگوں نے دونوں کو دیئے کاندھے
اِک فاطمہؑ زہراؑ ہے اِک بالی سکینہؑ ہے

مرہم تیرے زخموں کا بی بیؑ نہ مِلا اب تک
اولادِ اُمیہ کی باقی ہے جفا اب تک
رونے پہ بھی پہرا تھا تُربت پہ بھی پہرا ہے

مسمار تیرا روضہ اُمت نے کیا جب سے
باباؑ تیرا رہتا ہے تُربت پہ تیری تب سے
کب گُنبدِ خضرا میں باباؑ تیرا رہتا ہے

مہدیؑ سے کوئی پوچھے کیا اُس پہ گزرتی ہے
آواز بقیعہ سے جب رونے کی آتی ہے
آنکھوں سے لہو رو کر وہ بھی یہی کہتا ہے

تصویر حقیقت کی خوابوں کو بنا دیجئے
اے بی بیؑ تکلمؔ کو تعبیر دِکھا دیجئے
ماتم تیری تُربت پہ ہوتے ہوئے دیکھا ہے

شاعر: میر تکلم میر

Roman Urdu

Pehlu bhi shikasta hai turbat bhi shikasta hai
Kya haal yeh ummat ne Zehraؑ ka banaya hai

Khatoon koi gham se yoon choor nahi dekhi
Aisi koi duniya mein mastoor nahi dekhi
Athaara baras mein hi lagti jo zaeefa hai

Darbaar mein zaalim ne ki aisi pazeerai
Kis tarha se tu bibiؑ phir laut ke ghar aayi
Baalon ki safedi ne sab haal sunaya hai

Tu roti rahi ghar mein Haiderؑ se bhi chhup chhup ke
Ismat ki tarha dukh bhi parde mein rahe terey
Kuch dard terey bibiؑ bas jaanti Fizzaؑ hai

Do aise janaze hain taareeki mein jo uthey
Bas ghar ke hi logon ne dono ko diye kaandhe
Ik Fatimaؑ Zehraؑ hai ik baali Sakinaؑ hai

Marham terey zakhmon ka bibiؑ na mila ab tak
Aulaad-e-Umayya ki baqi hai jafa ab tak
Rone pe bhi pehra tha turbat pe bhi pehra hai

Mismaar tera roza ummat ne kiya jab se
Babaؑ tera rehta hai turbat pe teri tab se
Kab gunbad-e-khizra mein Babaؑ tera rehta hai

Mehdiؑ se koi poochhe kya us pe guzarti hai
Awaaz Baqee se jab rone ki aati hai
Aankhon se lahoo ro kar woh bhi yehi kehta hai

Tasveer haqeeqat ki khwaabon ko bana dijiye
Aye bibiؑ Takallum ko taabeer dikha dijiye
Maatam teri turbat pe hote huey dekha hai

Shayar: Mir Takallum Mir

Ayyaam-e-Fatimiya13th jamad-ul-awwal3rd Jamad-us-saaniMir Takallum MirUrdu Writeup2009-10

Spotted a mistake in this kalaam — a wrong line, reciter or spelling? Suggest a correction

Related Kalaam