Abul Hasan Lakhani — Noha, Manqabat & Soz-o-Salaam lyrics in Urdu and Roman Urdu
Noha

Qaid-e-Tanhayi Mein Dum Ghutne Laga Hai Mera

Recited by Ravi Road (Lahore Party) ·

Qaid-e-Tanhayi Mein Dum Ghutne Laga Hai MeraRavi Road (Lahore Party)
Watch onYouTube

اردو

قیدِ تنہائی میں دم گھٹنے لگا ہے میرا آکے سینے سے لگاؤ بابا
میں اندھیرے میں اکیلی ہی نہ مر جاؤں کہیں مجھ کو مرنے سے بچاؤ بابا

میں تیری یاد میں دن رات یوں تڑپتی ہوں جیسے پنجرے میں کوئی گھائل پڑا ہو پنچھی
موت کا خوف ہے سناٹا ہے ویرانی ہے میری امداد کو آؤ بابا

مجھ کو عادت ہے تیرے سینے پہ سر رکھنے کی چین کی نیند بھلا کیسے زمیں پر آئے
قید خانے میں تو پڑتی ہے بلا کی گرمی اپنی گودی میں سلاؤ بابا

میرے دادا نے رہا کتنے کیئے تھے قیدی اُس کی پوتی ہوں مگر قید میں مجبور ہوں میں
نام لے کے تیرا رونے نہیں دیتا ظالم اب میری قید چھڑاؤ بابا

پھوپھیوں کے بھی بندھے ہاتھ پسِ گردن ہیں وہ بھلا کیسے تیری آنکھوں سے آنسو پونچیں
بے سہارا ہوں یتیمی کا کڑا موسم ہے اپنی صورت تو دکھاؤ بابا

یاد بے شیر کی آتی ہے مجھے شام و سحر اُس کا جلتا ہوا جھولا بھی نظر آتا ہے
مجھے مل جاؤ میرے مرنے سے پہلے آکر ساتھ اکبرؑ کو بھی لاؤ بابا

نوکِ نیزہ پہ جو کرتے تھے تلاوت مولا جانے کیا سوچ کے اخترؔ یہ سکینہؑ نے کہا
شام کے لوگ ہیں بہرے یہ سمجھ سکتے نہیں اِن کو قرآں نہ سناؤ بابا

شاعر و سوز: اختر حسین اختر

Roman Urdu

Qaid-e-tanhaai mein dam ghutne laga hai mera aake seenay se lagao baba
Main andheray mein akeli hi na mar jaaon kahin mujh ko marne se bachao baba

Main teri yaad mein din raat yoon tadapti hoon jaise pinjray mein koi ghaayal pada ho panchhi
Maut ka khauf hai sannata hai veeraani hai meri imdaad ko aao baba

Mujh ko aadat hai terey seenay pe sar rakhne ki chain ki neend bhala kaise zameen par aaye
Qaid khaane mein to padti hai bala ki garmi apni godi mein sulao baba

Merey dada ne riha kitne kiye thay qaidi us ki poti hoon magar qaid mein majboor hoon main
Naam le ke tera rone nahi deta zaalim ab meri qaid chhudao baba

Phoophiyon ke bhi bandhe haath pas-e-gardan hain woh bhala kaise teri aankhon se aansoo ponchein
Be sahaara hoon yateemi ka kada mausam hai apni soorat to dikhao baba

Yaad be sheer ki aati hai mujhe shaam o sehar us ka jalta hua jhoola bhi nazar aata hai
Mujhe mil jaao merey marne se pehle aakar saath Akbarؑ ko bhi lao baba

Nok-e-naiza pe jo karte thay tilaawat maula jaane kya soch ke Akhtar yeh Sakinaؑ ne kaha
Shaam ke log hain behre yeh samajh sakte nahi in ko Quraan na sunao baba

Shayar o Soz: Akhtar Hussain Akhtar

Lahore Party Ravi RoadAkhtar Hussain AkhtarBibi Sakina S.A13th SafarUrdu Writeup

Spotted a mistake in this kalaam — a wrong line, reciter or spelling? Suggest a correction

Related Kalaam