Reh Gayi Dasht Mei Tanha - Muslim Jafri 2026

اردو

رہ گئی دشت میں تنہا تو وطن یاد آیا
پانی جب پایا تو ہر اک تشنہ دہن یاد آیا
لے کے ہر چیز مدینے سے چلی تھی زینبؑ
لاش پر بھائی کے پہنچی تو کفن یاد آیا

شبّیر تیری غُربت کی قَسم
میں لاش تیری دفنا دیتی
گر سر پہ میرے چادر ہوتی
میں تُجھ کو کفن پہنا دیتی

شبّیر یہ دیس پرایا ہے
ورنہ میں تُمہاری مَیَّت پر
انبار لگاتی کلیوں کے
پھولوں کی مینہ برسا دیتی

شبّیر تمہیں معلوم تو ہے
میرے ہاتھ بندھے تھے گردن سے
گر ہاتھ میرے جو کھلے ہوتے
میں لاش وطن پہنچا دیتی

شبیر یہ تم نے اچھا کیا
کعبے سے نکل آئے ورنہ
یہ اُمت خیموں کے بدلے میں
کعبے کو آگ لگا دیتی

گر پیاس کی شدت سے بھائی
آنسو نہ میرے سوکھے ہوتے
آنکھوں سے میں تیری میت پر
کوثر کے جام بہا دیتی

خیموں کو جلا کر اعدا نے
اسباب میرا سب لوٹ لیا
تو خود ہی بتا دے بھائی میں
دیتی بھی تجھے تو کیا دیتی

سجاد کو جلتے خیمے سے
گر شام نہ لے جانا ہوتا
تیری لاش پہ گر کر مر جاتی
خود کو میں تیرا صدقہ دیتی

کوثرؔ یہ کسے حق حاصل ہے
تحریر نبی کی چاک کرے
اُمت کو اگر منظور نہ تھا
زہراؑ کو سند لوٹا دیتی

کوثر زیدی

Roman Urdu

Reh gayi dasht mein tanha to watan yaad aaya
Paani jab paaya to har ik tishna dahan yaad aaya
Le ke har cheez Madine se chali thi Zainabؑ
Laash par bhai ke pahunchi to kafan yaad aaya

Shabbir teri ghurbat ki qasam
Main laash teri dafna deti
Gar sar pe merey chaadar hoti
Main tujh ko kafan pehna deti

Shabbir yeh des paraya hai
Warna main tumhari mayyat par
Ambaar lagaati kaliyon ke
Phoolon ki meenh barsa deti

Shabbir tumhein maloom to hai
Merey haath bandhe thay gardan se
Gar haath merey jo khule hote
Main laash watan pahuncha deti

Shabbir yeh tum ne acha kiya
Kaabe se nikal aaye warna
Yeh ummat khaimon ke badle mein
Kaabe ko aag laga deti

Gar pyaas ki shiddat se bhai
Aansoo na merey sookhe hote
Aankhon se main teri mayyat par
Kausar ke jaam baha deti

Khaimon ko jala kar aada ne
Asbaab mera sab loot liya
Tu khud hi bata de bhai main
Deti bhi tujhe to kya deti

Sajjad ko jalte khaime se
Gar Shaam na le jaana hota
Teri laash pe gir kar mar jaati
Khud ko main tera sadqa deti

Kausar yeh kise haq haasil hai
Tehreer Nabi ki chaak kare
Ummat ko agar manzoor na tha
Zehraؑ ko sanad lauta deti