Tishnagi Mashk-o-Alam Bali Sakina

اردو

تشنگی، مشک و علم، بالی سکینہؑ
ہے تیرے نام سے منسوب یہ چرچا عباسؑ

صبر و ایثارِ وفا، جوشِ علمدارِ حسینؑ
شیرِ جرّار، ہمہ وقت تھے غم خوارِ حسینؑ
تشنہ لب ہوتے ہوئے صورتِ دریا عباسؑ

حکمِ شبیرؑ کی زنجیر پیروں میں پڑی
بھائی کو آقا کہا آپ نے اے ابنِ علیؑ
باوفا کوئی نہیں آپ کے جیسا عباسؑ

کٹ گئے ہاتھ، چھِدی مشک، سکینہؑ افسوس
تر ہوا خون سے علم نہر پہ آقا افسوس
کیوں نہ ہو نوحہ کناں سر لیے زہراؑ عباسؑ

رہ تکتی ہے سکینہؑ درِ خیمہ پہ کھڑی
تشنہ لب بچی پہ کیسے ہے یہ آفت کی گھڑی
خود کو بہلاتی ہے دے دے کے دلاسا عباسؑ

گر گئی سر سے ردا زینبِؑ مضطر کی اٹھو
لاش اٹھتی نہیں شبیرؑ سے اکبرؑ کی اٹھو
آؤ دے دو ذرا سرور کو سہارا عباسؑ

ہو گیا ٹکڑے بدن ابنِ حسنؑ کا دیکھو
مرحلہ آ گیا بازو میں رسن کا دیکھو
قید ہونے کو ہے شبیرؑ کا کنبہ عباسؑ

آگ خیموں میں لگی، اہلِ حرم قید ہوئے
بے کجاوہ سوئے زنداں لائیں لے کے چلے
ثانیِ زہراؑ نے حسرت سے پکارا عباسؑ

بات خاتونِ قیامتؑ نہ کبھی ٹالیں گی
حشر کی دھوپ نہ ریحان پہ آنے دیں گی
صرف ہلکا سا کریں گے جو اشارہ عباسؑ

تشنگی، مشک و علم، بالی سکینہؑ عباسؑ
ہے تیرے نام سے منسوب یہ چرچا عباسؑ

Roman English

Tashnagi mashq o alam baali Sakina
Hai tere naam se mansoob ye charcha Abbas

Sabr o isaar-e-wafa joshe alamdaar-e-Hussain
Sher-e-jarrar hama waqt the ghamkhar-e-Hussain
Tashnalab hote hue surat-e-dariya Abbas

Hukm-e-Shabbeer ki zanjeer pairo me pari
Bhai ko aaqa kaha aap ne aye ibn-e-Ali
Bawafa koi nahi aapke jaisa Abbas

Kat gaye haath chhidi mashk-e-Sakina afsos
Tar hua khoon se alam neher pe aaqa afsos
Kyu na ho nauha-kuna sar liye Zahra Abbas

Rah takti hai Sakina dar-e-khaime pe khadi
Tashnalab bachchi pe kaise hai ye aafat ki ghadi
Khud ko bahlati hai de-de ke dilasa Abbas

Gir gayee sar se rida Zainab-e-muztar ki utho
Lash uthti nahi Shabbir se Akbar ki utho
Aao dedo zara sarwar ko sahara Abbas

Ho gaya tukde badan ibn-e-Hasan ka dekho
Marhala aa gaya baazu me rasan ka dekho
Qaid hone ko hai Shabbir ka kunba Abbas

Aag khaimo me lagi ahl-e-haram qaid huye
Be-kajawa su-e-zindan laeen le ke chale
Sani-e-Zahra ne hasrat se pukara Abbas

Baat Khatoon-e-Qayamat na kabhi taalengi
Hashr ki dhoop na Rehan pa aane dengi
Sirf halka sa karenge jo ishara Abbas

Tashnagi mashk o alam baali Sakina Abbas
Hai tere naam se mansoob ye charcha Abbas

— Rehan Azmi