Na Poochiye Ke Kya Hussain Hai – Mir Hasan Mir

Na poochiye ke kya Hussain hai. (x2)
Kya Hussain hai. Na poochiye ke kya Hussain hai.
Khuda ke dee’n ka nakhuda (x2). Har ibtida ki ibtidia.
Karam ki inteha Hussain hai. Na poochiye ke…
Kya Hussain hai. Na poochiye ke kya Hussain hai.

Karay jo koi hamsari kisi ki kya majaal hai.
Jahaa’n main har lihaaz se Hussain be misaal hai.
Ye ho chuka hai faisla (x2). Na koi doosra Khuda.
Na koi doosra Hussain hai. (x2)
Kya Hussain hai. Na poochiye ke…

Aseer-e-Shaam par nigaah ki to Hur bana diya.
Jo mar rahay thay un ko zindagi ka gur sikha diya.
Hussain hai hayaat gar (x2). Hussain azmaton ka ghar.
Azeem rehnuma Hussain hai. Na poochiye ke…
Kya Hussain hai. Na poochiye ke…

Karo ge gar mukhalifat gham-e-Hussain ki yahan.
Wo hashr hoga hashr mein ke al hafeez-o-al amaan.
Jahan bhi chhupnay jaogay (x2). Kahin pe bach na paogay.
Ke har jaga mera Hussain hai. Na poochiye ke…
Kya Hussain hai. Na poochiye ke…

Mayaan-e-dasht-e-nainawa ulatnay fauj-e-ashqiya.
Badha jo Shah-e-Karbala utha ke taig-e-la fatah.
Lagi jo sar utaarnay (x2). kaha ye zulfiqar ne.
Ghazab ka soorma Hussain hai. Na poochiye ke…
Kya Hussain hai. Na poochiye ke…

Kaza ke baad phir mujhe nayi hayaat mil gayi.
Fishaar se azaab se mujhe nijaat mil gayi.
Sawal jab kiya gaya (x2). Hai kaun tera rehnuma.
To main ne keh diya Hussain hai. Na poochiye ke…
Kya Hussain hai. Na poochiye ke…

Hidayat-e-Hussain par amal karo Hussainiyon.
Rahainge hum bahisht mein yaqeen rakho Hussainiyon.
Qubool hogi har duya (x2). Kisi se kyun darain bhala.
Hamara waasta Hussain hai. Na poochiye ke…
Kya Hussain hai. Na poochiye ke…

Suroor Gauhar-e-hunar hua ye khwaab dekh kar.
Sajay huay hain khuld mein tamam mominon ke ghar.
Nishaan-e-gham hain jalwagar (x2). Har aadmi ke seenay par.
Har aik lab pe Ya Hussain hai (x2). Kya Hussain hai.
Na poochiye ke kya Hussain hai.

Hussain hai. Hussain hai. Hussain hai. Hussain hai.
Hussain hai. Hussain hai. Hussain hai. Hussain hai.

Na poochiye ke kya Hussain hai.