Abul Hasan LakhaniAbul Hasan Lakhani — Noha, Manqabat & Soz-o-Salaam lyrics in Urdu and Roman Urdu
Noha

Hai Waqt e Sehar Khoon Mei Tar

Recited by Rizwan Zaidi ·

Hai Waqt e Sehar Khoon Mei TarRizwan Zaidi
Watch onYouTube

اردو

ہے وقتِ سحر خون میں تر وارثِ قرآں
رُوتی ہے اذاں مسجدِ کوفہ بھی ہے گریاں

لو آج سے آغاز ہوا کرب و بلا کا
مخدومۂ کونین کا جاری ہوا گریہ
مرقد میں محمدؐ بھی نظر آئے پریشاں

کیا زہر میں ڈوبی ہوئی شمشیر چلی ہے
لو زخمی ہوا سجدے میں دامادِ نبیؐ ہے
دُنیا سے چلا دیکھئے کعبے کا نگہباں

جبرئیلِ امیں خاک اُڑاتے ہوئے آئے
آدمؑ بھی یہی نوحہ سُناتے ہوئے آئے
کس کو دمِ مشکل میں پُکارے گا مسلماں

تو نے بنِ مُلجم یہ ستم کیسا ہے ڈھایا
سجدے میں نمازی کا لہو کیوں ہے بہایا
عباسؑ کو بچپن میں کیا چاک گریباں

کعبے کی فصیلوں پہ اُداسی کی ردا ہے
اور قبلۂِ اوّل میں بھی کہرام بپا ہے
سَر خُلد میں حورانِ جناں نے کیا عریاں

حسنینؑ کے سَر پر ہے یتیمی کا اندھیرا
رُخصت ہوا سورج کی نگاہوں سے سویرا
زم زم میں تلاطم ہے تو کوثر میں ہے طوفاں

اب نادِ علیؑ پڑھ کے نبیؐ کس کو بُلائیں
رُکتی ہی نہیں سرورِ کونینؐ کی آہیں
کعبے کے دَر و بام بھی ماتم سے ہیں لرزاں

ریحانؔ ہیں رضوانِ جناں چاک گریباں
ہے باغِ ارم باغِ فدک کی طرح گریاں
حسنینؑ کا بابا ہے ذرا دیر کا مہماں

شاعر: ریحان اعظمی

Roman Urdu

Hai waqt-e-sehar khoon mein tar waris-e-Quraan
Rooti hai azaan masjid-e-Kufa bhi hai giryaan

Lo aaj se aaghaaz hua Karb-o-Bala ka
Makhdooma-e-Konain ka jaari hua girya
Marqad mein Muhammadؐ bhi nazar aaye pareshaan

Kya zehar mein doobi hui shamsheer chali hai
Lo zakhmi hua sajde mein damaad-e-Nabiؐ hai
Dunya se chala dekhiye Kaabe ka nigehbaan

Jibraeel-e-ameen khaak uraate hue aaye
Aadamؑ bhi yehi nauha sunaate hue aaye
Kis ko dam-e-mushkil mein pukaare ga musalmaan

Tu ne Bin-e-Muljim yeh sitam kaisa hai dhaaya
Sajde mein namaazi ka lahu kyun hai bahaaya
Abbasؑ ko bachpan mein kiya chaak girebaan

Kaabe ki faseelon pe udaasi ki rida hai
Aur qibla-e-awwal mein bhi kohraam bapa hai
Sar khuld mein hooraan-e-jinaan ne kiya uryaan

Hasnainؑ ke sar par hai yateemi ka andhera
Rukhsat hua sooraj ki nigaahon se savera
Zam zam mein talaatum hai to Kausar mein hai toofaan

Ab Naad-e-Aliؑ parh ke Nabiؐ kis ko bulaayen
Rukti hi nahi Sarwar-e-Konainؐ ki aahen
Kaabe ke dar-o-baam bhi maatam se hain larzaan

Rehanؔ hain rizwaan-e-jinaan chaak girebaan
Hai baagh-e-iram baagh-e-Fidak ki tarah giryaan
Hasnainؑ ka baba hai zara der ka mehmaan

Shayar: Rehan Azmi

Imam Ali A.S21st RamzanAyyam e AliUrdu WriteupRehan Aazmi

Spotted a mistake in this kalaam — a wrong line, reciter or spelling? Suggest a correction

Related Kalaam